హైదరాబాద్: నేడు సద్దుల బతుకమ్మ
సద్దుల బతుకమ్మ ఊరూవాడా ప్రత్యేకంగా ఏర్పాట్లు చేశారు అధికారులు. హైదరాబాద్‌లోని ట్యాంక్ బండ్‌పై బతుకమ్మ వేడుకలను అంగరంగ వైభవంగా నిర్వహిస్తారు. వేలాది మహిళలు అక్కడకు చేరుకుని బతుకమ్మ సంబరాల్లో పాలుపంచుకుంటారు. ఈ క్రమంలో బతుకమ్మ వేడుకల కోసం ట్యాంక్ బండ్ ముస్తాబైంది. తెలంగాణలో బతుకమ్మ వేడుకలు అంబరాన్నంటుతున్నాయి. గురువారంతో బతుకమ్మ వేడుకలు ముగియనున్నాయి. చివరి రోజు సద్దుల బతుకమ్మ వేడుకలను జరుపుకోనున్నారు మహిళలు.
