జూబ్లీహిల్స్: నడిరోడ్డుపై నగ్నంగా పడి ఉన్న మహిళ

హైదరాబాద్లోని జూబ్లీహిల్స్ లోటస్ పాండ్ వద్ద నడిరోడ్డుపై ఓ యువతి(30) నగ్నంగా పడి ఉండడం కలకలం సృష్టించింది. శనివారం తెల్లవారుజామున ఆమెను గమనించిన స్థానికులు పోలీసులకు సమాచారం ఇచ్చారు. వారు ఘటనా స్థలానికి చేరుకుని పరిశీలించారు. యువతిని 108 వాహనంలో ఆసుపత్రికి తరలించారు. అత్యాచారం జరిగి ఉండొచ్చేమోననే అనుమానాన్ని వ్యక్తం చేశారు. అన్ని కోణాల్లో దర్యాప్తు చేస్తున్నట్లు ఫిలింనగర్ పోలీసులు వెల్లడించారు.