తెలంగాణ, ఏపీలో మూడు రోజులపాటు భారీ వర్షాలు

బంగాళాఖాతంలో ఏర్పడిన అల్పపీడనం ప్రభావంతో తెలుగు రాష్ట్రాల్లో భారీ నుంచి అతి భారీ వర్షాలు కురుస్తాయని అధికారులు అంచనా వేస్తున్నారు. అల్పపీడనం వాయుగుండంగా మారిన క్రమంలో రెండు రాష్ట్రాల్లో పలు జిల్లాలకు రెడ్ అలర్ట్ జారీ చేశారు. మరో 3 రోజులపాటు వర్షాలు విపరీతంగా కురుస్తాయని తెలిపారు. ప్రజలు అప్రమత్తంగా ఉండాలని, అవసరం ఉంటేనే తప్ప బయటికి రావద్దని అధికారులు హెచ్చరిస్తున్నారు.