கடை மேல் தளம் இடிந்து விழுந்தது விபத்து

விருதுநகர் மாவட்டம் சிவகாசியில் பிரபல வாட்ச் கடை மேல் தளம் இடிந்து விழுந்ததில் ஐந்து தொழிலாளர்கள் நல்வாய்பாக உயிர் தப்பினர்.

சிவகாசி என் ஆர் கே ஆர் பிரதான சாலையில் ராஜேஷ் என்பவருக்கு சொந்தமான வாட்ச் டைட்டன் ஷோரூம் செயல்பட்டு வருகிறது. பத்துக்கும் மேற்பட்ட தொழிலாளர்கள் பணிபுரிந்து வரக்கூடிய இந்த ஷோரூமில் மிக பிரம்மாண்டமாக குளிர்சாதன வசதியுடன் பல வருடங்களாக இந்த கடை செயல்பட்டு வருகிறது.

இந்த நிலையில் இன்று திடீரென மேல்தளம் சரிந்து விழுந்தது. பொதுமக்கள் தீயணைப்புத் துறையினருக்கும் காவல்துறையினருக்கு தகவல் தெரிவித்தனர் சம்பவ இடத்திற்கு வந்த தீயணைப்புத் துறையினர் 5 தொழிலாளர்களை மீட்டனர். இந்த விபத்து குறித்து சிவகாசி நகர் காவல் துறையினர் வழக்கு பதிவு செய்து விசாரணை நடத்தி வருகின்றனர்.