சிவகாசி: கோலி உருவத்தை சூரிய ஒளியில் வரைந்து அசத்திய மாணவன்..

சிவகாசி அருகே இந்திய கிரிக்கெட் வீரர் விராட் கோலியின் 36 ஆவது பிறந்த நாளையொட்டி அவரது உருவத்தை சூரிய ஒளியில் தத்துரூவமாக வரைந்து அசத்திய கல்லூரி மாணவன்.
விருதுநகர் மாவட்டம்,
சிவகாசி அருகே திருத்தங்கல் பகுதியைச் சேர்ந்த கார்த்திக். இவர் சிவகாசி அரசு கலை அறிவியல் கல்லூரியில் இளங்கலை கணினி அறிவியல் துறையில் 3-ம் ஆண்டு படித்து வருகிறார். இளம் வயதிலேயே ஓவியம் வரைவதில் மிகுந்த ஆர்வம் காட்டி வந்துள்ளார்.  
இவர் தற்போது சூரிய ஒளி மற்றும் கண்ணாடி லென்ஸ் மூலமாக ரப்பர் பலகையில் நடப்பு முக்கிய சம்பவங்கள் அரசியல் தலைவர்கள், விளையாட்டு வீரர்கள் மற்றும் திரை பிரபலங்கள் ஆகியோரின் பிறந்தநாளில் தினத்தில் அவர்களை கௌரவிக்கும் விதமாக ஓவியங்களை சூரிய ஒளி மூலமாக வரைந்து வருகிறார். அந்த வகையில் இன்று நவம்பர் 5ம் தேதி இந்திய கிரிக்கெட் வீரர் விராட் கோலியின் 36வது பிறந்தநாள் விழாவை நாடு முழுவதும் அவரது ரசிகர்கள் கொண்டாடி வருகின்றனர். மேலும் கிரிக்கெட் வீரர்கள் பலரும் விராட் கோலிக்கு பிறந்தநாள் வாழ்த்துக்களை தெரிவித்து வருகின்றனர். இந்நிலையில்  ஓவியரான கார்த்திக் இன்று கிரிக்கெட் வீரர் விராட் கோலியின் பிறந்த நாளையொட்டி சூரிய ஒளியில் அவரது உருவத்தினை தத்ரூபமாக வரைந்து அசத்தியுள்ளார். இந்த ஓவியமானது காண்போர் கண்களை கவரும் வகையில் உருவாக்கப்பட்டு இருந்தது.