சாத்துார்: கிரிக்கெட்டை தவிர வேற எதுவும் தெரியாது - நடராசன்

சாத்தூர் தனியார் பள்ளியில் நடைபெற்ற விளையாட்டு தின விழாவில் இந்திய கிரிக்கெட் அணியின் வேகப்பந்து வீச்சாளர் நடராஜன் சிறப்பு விருந்தினராக பங்கேற்பு.

விருதுநகர் மாவட்டம், சாத்தூர் தனியார் பள்ளியில் நடைபெற்ற விளையாட்டு தினவிழாவில் இந்திய கிரிக்கெட் அணியின் வேகப்பந்து வீச்சாளர் நடராஜன் சிறப்பு விருந்தினராக பங்கேற்று பள்ளி குழந்தைகளின் கலை நிகழ்ச்சிகளை ரசித்த பின்னர், விளையாட்டுப் போட்டிகளில் வெற்றி பெற்றவர்களுக்கு பரிசுகளை வழங்கினார். நிகழ்ச்சியில் கலந்து கொண்ட இந்திய கிரிக்கெட் அணியின் வேகப்பந்து நடராஜன், மாணவர்களுக்கு கிரிக்கெட் மீதான ஆர்வத்தை தூண்டும் வகையில் இளைஞர்களுடன் பந்து வீசியும் மற்றும் பேட்டிங் செய்தும் இந்திய அணியின் வேகப்பந்து வீச்சாளர் நடராஜன் கிரிக்கெட் விளையாடி அசத்தினார். பின்னர் மேடையில் பேசிய இந்திய கிரிக்கெட் அணியின் வேகப்பந்து வீச்சாளர் நடராஜன் ஸ்போர்ட்ஸ் மற்றும் படிப்பு இரண்டுமே எல்லோருக்கும் வாழ்க்கையில் முக்கியமானது என்றார், தற்போது உள்ள குழந்தைகள் விளையாட்டில் ஆர்வம் காட்டாமல் செல்போனில் அதிக நேரம் செலவிடுவதால் அவர்களுடைய உடல் ஆரோக்கியத்தை இழந்து விடுகிறார்கள் எனவும் அவர்களின் எண்ணங்கள் எல்லாம் சிதறி விடுகின்றன என்றார். நிகழ்ச்சியில் பள்ளி நிர்வாகிகள், ஆசிரியர்கள், மாணவ, மாணவிகள், பெற்றோர்கள் கலந்து கொண்டனர்.