இராஜபாளையம்: நகைக்காக மூதாட்டி கொலையா?... போலீஸ் விசாரணை...

இராஜபாளையத்தில் மூதாட்டி மர்மமான முறையில் வீட்டில் சடலமாக மீட்பு. 20 பவுன் நகை கொள்ளை.
விருதுநகர் மாவட்டம், இராஜபாளையம் முடங்கியர் சாலையிலுள்ள திருவள்ளுவர் நகரில் வசித்து வருபவர் ஹலைப், இவரது மனைவி ஜீவரத்தினம் 83, இவரது கணவர் சில ஆண்டுகளுக்கு முன்னர் உயிரிழந்த நிலையில் மூதாட்டி மட்டும் வீட்டில் தனியாக வசித்து வந்துள்ளார். மூதாட்டி ஜீவரத்தினம் ஒவ்வொரு ஞாயிற்றுக்கிழமை காலை சர்ச்சுக்கு செல்வது வழக்கம்.
மேலும் மூதாட்டியுடன் வழக்கமாக சர்ச்சுக்கு செல்லும் நபர்கள் வீட்டிற்கு சென்று பார்த்த போது மூதாட்டி இறந்து கிடப்பதைக் கண்டு அதிர்ச்சி அடைந்தனர். மூதாட்டி உயிரிழந்தது குறித்து அவர்களது உறவினர்களுக்கு தகவல் தெரிவித்ததின் பெயரில் அங்கு வந்த உறவினர்கள் வீட்டில் வழுக்கி விழுந்து உயிரிழந்ததாக எண்ணி மூதாட்டியின் உடலை மீட்டு ஈமச்சடங்கிற்க்காக குளிக்க வைக்கும் பொழுது மூதாட்டி அணிந்திருந்த மூன்று தங்கச் சங்கிலி இரண்டு கைகளில் அணிந்து இருந்த மோதிரம் காணாமல் போய் உள்ளது. மேலும் மூதாட்டி உடலில் கை, கழுத்து பகுதிகளில் காயங்கள் இருப்பதைக் கண்டும் பீரோவில் உள்ள நகைகள் காணாமல் போனதை கண்டும் அதிர்ச்சி அடைந்தனர். இச்சம்பவம் கரித்து இராஜபாளையம் வடக்கு காவல் நிலையத்திற்கு தகவல் தெரிவித்துள்ளனர். தகவலின் பெயரில் டிஎஸ்பி ப்ரீத்தி தலைமையில் காவல் துறையினர் மூதாட்டியின் உடலை மீட்டு விசாரணை மேற்கொண்டு வருகின்றனர்.