செஞ்சியில் தொழில் முனைவோர் பயிற்சி முகாம்

செஞ்சி ஒன்றிய அலுவலகத்தில் நகர்ப்புற வாழ்வாதார இயக்கம் சார்பில் மகளிர் சுய உதவிக் குழுக்களுக்கு 3 நாள் தொழில் முனைவோர் பயிற்சி முகாம் நடந்தது. மாவட்ட மகளிர் திட்ட அலுவலர் காஞ்சனா தலைமை தாங்கினார், ஒன்றிய சேர்மன் விஜயகுமார் முன்னிலை வகித்தார். மஸ்தான் எம். எல். ஏ. , சிறப்புரையாற்றி, பயிற்சிக்கான கையேடு மற்றும் உபகரணங்களை வழங்கினார்.

உதவி திட்ட அலுவலர் அருண்குமார், பி. டி. ஓ. , க்கள் சீத்தாலட்சுமி, முல்லை, ஒன்றிய கவுன்சிலர் பச்சையப்பன், சமுதாய அமைப்பாளர் சரண்யா, வட்டார மகளிர் சுய உதவிக் குழு ஒருங்கிணைப்பாளர்கள், சுய உதவிக்குழுவினர் பங்கேற்றனர். முகாமில், சுய தொழில் செய்வதற்கான வாய்ப்புகள், கடன் உதவி மற்றும் விற்பனைக்கான சந்தை வசதிகள் குறித்து பயிற்சி அளிக்கப்பட்டது.