மேல்நிலை நீர்த்தேக்க தொட்டியில் டிரைனேஜ் வாட்டரா? - வீடியோ

வேலூர் அடுத்த சின்னஅல்லாபுரம் பகுதியில் உள்ள பொதுமக்கள் பயன்படுத்தும் மேல்நிலை நீர் தேக்க தொட்டியில் இருந்து பொதுமக்களுக்கு விநியோகிக்கப்பட்ட தண்ணீர் துர்நாற்றத்துடன் இருந்துள்ளது. இதனால் அப்பகுதி இளைஞர்கள் தொட்டியில் இறங்கி பார்த்தபோது தண்ணீர் சேரும் சகதியுமாக கழிவுநீர் கால்வாய் போல துர்நாற்றம் வீசியுள்ளது. இது குறித்த வீடியோவை வேலூர் அதிமுக மாவட்ட செயலாளர் எஸ் ஆர் கே அப்பு தனது முகநூல் பக்கத்தில் வெளியிட்டுள்ளார். அந்த பதிவில் குடிநீர் தொட்டி சமூக விரோதிகளின் கூடாரமாக உள்ளது. தொட்டி தண்ணீரில் மது பாட்டில், பீடி மற்றும் பிளாஸ்டிக் கழிவுகள் இருந்ததாகவும், தொட்டியை சுத்தம் செய்ய மாநகராட்சி நிர்வாகம் நடவடிக்கை எடுக்க வேண்டும் வலியுறுத்தியுள்ளார்.