ஆட்சியர் அலுவலகத்தில் குடியேறுவதாக எச்சரிக்கை மலைவாழ்மக்கள்

சாலை அமைத்து தர விட்டால் ஆட்சியர் அலுவலகத்தில் குடியேறும் போராட்டம் மலைவாழ் மக்கள் எச்சரிக்கை.


சாலைவசதி
தமிழ்நாடு மலைவாழ் மக்கள் சங்கம் மற்றும் ஜவ்வாதுமலைவாழ் மக்கள் சங்கம் சார்பில் அளிக்கப்பட்ட மனுவில்,
புதூர்நாடு ஊராட்சியில் 10&க்கும் மேற்பட்ட கிராமங்கள் உள்ளன. இதில், விளாங்குப்பம் மலைக்கிராமத்தில் கடந்த 75 ஆண்டுகளாக சாலை வசதி இல்லை. இந்த பகுதியில் 300&க்கும் மேற்பட்ட பழங்குடியினர் வசித்து வருகின்றனர். சாலை வசதி இல்லாததால் இங்குள்ள மக்கள் மற்றொரு பகுதிக்கு செல்ல மிகவும் சிரமப்படுகின்றனர். நடுகுப்பம் பகுதியில் இருந்து விளாங்குப்பம் வரை 4 கி. மீ. , தொலைவு உள்ள சாலையையும், கம்புக்குடி பகுதியில் இருந்து கொத்தனூர் வரை 1 கி. மீ. , தொலைவு உள்ள தார்ச்சாலையை அமைத்து தராவிட்டால் வருகிற 23, 24& ந் தேதிகளில் கலெக்டர் அலுவலகத்தில் குடியேறும் போராட்டம் நடத்துவோம் என கூறியிருந்தனர்.