முதுநிலை மாணவர் சேர்க்கைக்கு ஆன்லைனில் விண்ணப்பிக்கலாம்

வேலூர் மாவட்டம் குடியாத்தம் அரசினர் திருமகள் ஆலைக் கல்லூரியில் 2024-2025-ம் ஆண்டுக்கான முதுநிலை மாணவர் சேர்க்கைக்கான விண்ணப்பங்கள் பதிவு செய்வது நேற்று முதல் தொடங்கியது. இணைய வழியில் விண்ணப்பிக்க வேண்டும். விண்ணப்பம் பதிவு செய்ய அடுத்த மாதம் ஆகஸ்டு 8-ந் தேதி கடைசி நாளாகும்.

13-ந் தேதி சிறப்பு ஒதுக்கீடு மாணவர்களுக்கான கலந்தாய்வு நடைபெறுகிறது. இதில் மாற்றுத்திறனாளிகள், விளையாட்டு வீரர்கள், முன்னாள் ராணுவத்தினர், தேசிய மாணவர் படையினர், பாதுகாப்பு படை வீரர்கள் பங்கேற்கலாம்.

20-ந் தேதி பொது கலந்தாய்வு நடைபெறுகிறது. முதுநிலை மாணவர் சேர்க்கைக்கு விண்ணப்பிக்க விரும்புவர்கள் www. tngasa. in என்ற இணையதள முகவரியில் பதிவு செய்யலாம் என குடியாத்தம் அரசினர் திருமகள் ஆலைக் கல்லூரி முதல்வர் (பொறுப்பு) பி. வாசுகி தெரிவித்துள்ளார்.