அரசுப் பேருந்து மீது மோதிய வேன் - பயணி பலி

ஈரோட்டில் அரசுப் பேருந்து மீது வேன் மோதியதில் பயணி ஒருவர் உயிரிழந்த சம்பவம் சோகத்தை ஏற்படுத்தியுள்ளது. புளியம்பட்டியில் இருந்து சத்தி நோக்கி வந்துக் கொண்டிருந்த அரசுப் பேருந்து மீது கர்நாடகப் பதிவெண் கொண்ட வேன் மோதி விபத்து ஏற்பட்டது. இக்கோர விபத்தில் பேருந்தின் பின்புறத்தில் அமர்ந்திருந்த இளைஞர் பரிதாபமாக உயிரிழந்தார். மேலும், படுகாயமடைந்த 10க்கும் மேற்பட்ட பயணிகள் சத்தியமங்கலம் அரசு மருத்துவமனையில் அனுமதிக்கப்பட்டுள்ளனர்.