சிறுமியை கடத்தியவர் போக்சோ சட்டத்தில் கைது

வந்தவாசி அருகேயுள்ள ஒரு கிராமத்தைச் சோ்ந்தவா் 17 வயது சிறுமி. இவா், நடந்து முடிந்த பிளஸ் 2 பொதுத் தோ்வில் தோ்ச்சி பெற்றுள்ளாா்.

கடந்த சில நாள்களுக்கு முன் இவரது உடலில் மாற்றம் தெரியவே, இவரது தாய் விசாரித்துள்ளாா்.

அப்போது, வந்தவாசியை அடுத்த பழவேரி கிராமத்தைச் சோ்ந்த நெல் அறுவடை இயந்திர உரிமையாளா் ஜானகிராமன்(25) என்பவா் தன்னுடன் பழகி கட்டாயப்படுத்தி உறவு கொண்டதாகவும், தற்போது கா்ப்பமாக இருப்பதாகவும் அந்தச் சிறுமி தெரிவித்துள்ளாா்.

இதுகுறித்து போலீஸில் புகாா் செய்யலாம் என பெற்றோா் முடிவு செய்திருந்த நிலையில், கடந்த மே 24-ஆம் தேதி அந்தச் சிறுமியை ஜானகிராமன் பைக்கில் கடத்திச் சென்றுவிட்டாராம்.

இதுகுறித்து சிறுமியின் தாய் அளித்த புகாரின் பேரில் ஜானகிராமன் மீது போக்ஸோ சட்டத்தின் கீழ் வழக்குப் பதிந்த தெள்ளாா் போலீஸாா் தீவிர விசாரணை மேற்கொண்டனா்.

இதில் ஜானகிராமன் அந்தச் சிறுமியை புதுச்சேரியில் அடைத்து வைத்திருந்தது தெரியவந்தது.

இதையடுத்து, அந்த சிறுமியை மீட்ட தெள்ளாா் போலீஸாா், ஜானகிராமனை கைது செய்தனா்.

இதைத் தொடா்ந்து அந்தச் சிறுமி செய்யாற்றில் உள்ள அரசு பெண்கள் தங்கும் விடுதியில் சேர்க்கப்பட்டார்.