உடுமலையில் சுதந்திரப் போராட்ட வீரர் சிலை திறப்பு

திருப்பூர் மாவட்டம் உடுமலை அருகே சுதந்திரப் போராட்ட
வீரர் தளி பாளையக்காரர் மலையாண்டி வெங்கிடுபதி எத்தலப்ப நாயக்கருக்கு திருஉருவ சிலை மற்றும் மணிமண்டபம் அமைக்க வேண்டுமென வீரபாண்டிய கட்டபொம்மன் கழகம் மற்றும் பொதுமக்கள் அரசுக்கு கோரிக்கை வைத்தனர். இந்த நிலையில் கடந்த சில வருடங்களுக்கு முன்பு தமிழக சட்டப்பேரவை மானிய கோரிக்கையில் நகராட்சி அலுவலகம் முன்பு திருஉருவசிலையும் திருமூர்த்தி மலை பகுதியில் மணிமண்டபம் கட்டப்படும் என அரசு அறிவித்தது இந்த நிலையில் இன்று இதன் திறப்பு விழா உடுமலை நகராட்சி அலுவலகம் பகுதியில் நடைபெற்றது சென்னையில் இருந்து காணொளி காட்சி மூலம் நகராட்சி அலுவலகம் பகுதியில் அமைக்கப்பட்ட எத்தலப்பர் முழு உருவ சிலையும் திருமூர்த்தி மலையில் அமைக்கப்பட்ட மணிமண்டபத்தையும் காணொளி காட்சி மூலம் திறந்து வைத்தார். அப்போது 100 க்கும் மேற்பட்ட பொதுமக்கள் பாரம்பரியமான தேவராட்டம் ஆடியும் பட்டாசுகள் வெடித்தும் உற்சாகத்தை வெளிப்படுத்தினர் பின்னர் எத்தலப்பர் சிலை திருவுருவ சிலைக்கு திருப்பூர் மாவட்ட ஆட்சித் தலைவர் கிறிஸ்துராஜ் மற்றும் பொள்ளாச்சி எம்பி ஈஸ்வர சாமி மற்றும் பொதுமக்கள் பலர் மாலை அணிவித்து மரியாதை செலுத்தினர். பொதுமக்களின நீண்ட நாள் கோரிக்கையான சுதந்திர போராட்ட வீரர் முழு திருஉருவ சிலை மற்றும் மணிமண்டப ம் அமைத்துக் கொடுத்த தமிழக முதல்வருக்கு நன்றி தெரிவித்துக் கொண்டனர்.