உடுமலை திருமூர்த்தி அணையில் கடமான் உயிரிழப்பு

திருப்பூர் மாவட்டம் உடுமலை வனச்சரகத்திற்கு உட்பட்ட காண்டூர் கால்வாய்க்கு 3 முதல் 5 வயது மதிக்கத்தக்க ஆண் கடமான் ஒன்று தாகம் தீர்க்க வந்துள்ளது. அப்போது அது எதிர்பாராத விதமாக தண்ணீரில் தவறி விழுந்து விட்டது. கால்வாயில் தண்ணீரின் போக்கு அதிகமாக இருந்ததால் கடமான் மேலே வர இயலாமல் தத்தளித்து திருமூர்த்தி அணையில் இறந்த நிலையில் கரை ஒதுங்கியது. இது குறித்த தகவல் உடுமலை வனத்துறைக்கு தெரிவிக்கப்பட்டது. அதன் பேரில் அணைப் பகுதிக்கு உடுமலை வனச்சரக அலுவலர் மணிகண்டன் தலைமையிலான வருகை தந்த வனத்துறையினர் கடமானின் உடலை மீட்டு கால்நடை டாக்டர் உதவியுடன் பிரேத பரிசோதனை மேற்கொண்டனர். அதில் கால்வாயில் அடித்து வரப்பட்ட மான் சுவாசிக்க இயலாமல் தண்ணீரில் மூழ்கி இறந்து உள்ளதாக தெரிய வந்துள்ளது. மேலும் இது குறித்து வனத்துறையினர் விசாரித்து வருகிறார்கள்.