ரேஷன் அரிசி கடத்தும் வீடியோ - பெண் ஊழியர் பணியிடை நீக்கும்

தாராபுரம் அருகே உள்ள சின்னக்கம்பாளையம் பகுதியில் உள்ள ரேஷன் கடையில் செல்வராணி ஊழியராக பணியாற்றி வருகிறார். இந்த நிலையில் கடையில் இருந்து மூட்டை மூட்டையாக ரேஷன் அரிசி விற்பனைக்காக கடத்தப்படும் வீடியோ சமூக வலைதளங்களில் வைரல் ஆகியது. இதை அடுத்து விசாரணை நடத்த மாவட்ட ஆட்சியர் உத்தரவிட்டார். அதன்படி கூட்டுறவு விற்பனை சங்க செயல் கலெக்டர் சௌமியா தலைமையில் விசாரணை நடத்தப்பட்டது. இந்த விசாரணையில் ரேஷன் கடை ஊழியர் செல்வராணி ரேஷன் அரிசியை கடத்தி விற்பனை செய்தது தெரிய வந்தது. இதை அடுத்து அவரை பணியிடை நீக்கம் செய்து உத்தரவிட்டார்.