குற்றவாளியை போலீசார் துப்பாக்கியால் சுடப்பட்டதால் பரபரப்பு

திருச்சி ஸ்ரீரங்கம் பகுதியைச் சேர்ந்த பிரபல ரவுடியான சுரேஷ் என்கிற ஆட்டுக்குட்டி சுரேஷை நான்கு மர்ம நபர்கள் சரமாரியாக வெட்டி படுகொலை செய்தனர்.

இந்த கொலை வழக்கு தொடர்பாக மேலூர் வண்ணத்துப்பூச்சி பூங்கா அருகே பதுங்கி இருந்த ரவுடி ஜம்பு என்கின்ற ஜம்புகேஸ்வரனை விசாரணைக்காக காவல் துறையினர் அழைத்து சென்ற போது காவலர்களை தாக்கி விட்டு தப்ப முயன்றதாக கூறப்படுகிறது. அப்போது ஜம்புகேஸ்வரன் தாக்கியதில் ஆய்வாளர் வெற்றிவேல், உதவி ஆய்வாளர் ராஜகோபால், சிறப்பு ஆய்வாளர் செந்தில் காவலர் சதீஷ், உள்ளிட்டோர் காயமடைந்தனர். இதில் உதவி ஆய்வாளர் ராஜகோபால் தற்காத்து கொள்வதற்காக ஜம்புகேஸ்வரனை நோக்கி துப்பாக்கியால் சுட்டார். இதில் ஜம்புகேஸ்வரன் இடது காலில் துப்பாக்கி குண்டு பாய்ந்தது. இதில் கீழே விழுந்த அவரை போலீசார் மீட்டு சிகிச்சைக்காக திருச்சி அரசு மருத்துவமனைக்கு கொண்டு சென்றனர். காயமடைந்த உதவி ஆய்வாளர் ராஜ கோபாலுக்கும் சிகிச்சை அளிக்கப்பட்டு வருகிறது. இதுகுறித்து தகவல் அறிந்த திருச்சி மாநகர போலீஸ் கமிஷனர் காமினி அரசு மருத்துவமனைக்கு சென்று குறித்து கேட்டறிந்தார்.