ஆட்டோவில் மான் கொம்பு கடத்தல்: 2 பேர் கைது!

வல்லநாடு வனப்பகுதியில் ஆட்டோவில் மான் கொம்புகளை கடத்திய 2 பேரை வனத்துறையினர் கைது செய்தனர்.

தூத்துக்குடி மாவட்டம், வல்லநாடு வனப்பகுதியில் மான் கொம்புகளை சிலர் ஆட்டோவில் கடத்தி செல்வதாக ஸ்ரீவைகுண்டம் வனத்துறை அதிகாரிகளுக்கு தகவல் கிடைத்தது. இதையடுத்து வனச்சரக அலுவலர் கவின் தலைமையில் அதிகாரிகள் வல்லநாடு வனப்பகுதியில் சோதனை மேற்கொண்டனர். அப்போது வனப்பகுதியில் வந்த ஆட்டோவை அதிகாரிகள் தடுத்து நிறுத்தி சோதனை நடத்தினர்.

அந்த ஆட்டோவில் கடமான், புள்ளிமான் கொம்புகள் இருந்தன. அவற்றை சட்டவிரோதமாக அவர்கள் கடத்தி செல்வது தெரிய வந்தது. அந்த மான் ெகாம்புகளை பறிமுதல் ெசய்த வனத்துறையினர், அவற்றை கடத்திய காசிலிங்கபுரம் வேலய்யா, கீழப்பூவாணி சதீஷ் ஆகிய 2 பேரையும் கைது செய்தனர். அவர்கள் கடத்தலுக்கு பயன்படுத்திய ஆட்டோவும் பறிமுதல் செய்யப்பட்டது.