சோழவந்தான்: போலீஸ் அனுமதியின்றி ஜல்லிக்கட்டு போட்டி
மதுரை மாவட்டம் சோழவந்தான் அருகில் உள்ள மேலக்கால் கிராமத்தில் நாகமலை அடிவாரத்தில் ஜல்லிக்கட்டு போன்ற வாடிவாசல் அமைத்து செக்கானூரணி மேலக்கால் சோழவந்தான் கொடிமங்கலம் குருவித்துறை தாராபட்டி போன்ற பத்திற்கும் மேற்பட்ட கிராமங்களில் இருந்து ஜல்லிக்கட்டு காளைகளும் மற்றும் 100க்கும் மேற்பட்ட இளைஞர்களும் கலந்து கொண்டனர். நேற்று (நவ. 14) நடைபெற்ற ஜல்லிக்கட்டில் 30க்கும் மேற்பட்ட காளைகள் களம் இறக்கப்பட்டு ஏராளமான இளைஞர்கள் காளைகளை அடக்குவதற்கு போட்டி போட்டு சில காளைகளை அடக்கினார்கள். இளைஞர்கள் மற்றும் சில காளைகள் வெற்றி பெற்றது. குறிப்பாக காவல்துறை அனுமதி இன்றி எந்தவித பாதுகாப்பும் இன்றி ஆபத்தை உணராமல் இளைஞர்கள் ஜல்லிக்கட்டு காளைகளை அடக்க முயற்சித்து சில இளைஞர்களும் காயமடைந்தனர். இளைஞர்கள் ஆபத்தை உணராமல் தங்கள் வீரத்தை பறைசாற்ற இதுபோன்று ஜல்லிக்கட்டு போட்டி நடத்துவதால் பெரிதளவு காயம்பட்டு உயிர் இழப்பு ஏற்படும் சூழ்நிலையும் உருவாகும் என்பது குறிப்பிடத்தக்கது.
