புறவழிச் சாலையில் கல்லூரி மாணவி சாலை விபத்தில் பலி

கும்பகோணம் அருகே திருவிடைமருதூர் தாலுகா தேப்பெருமாநல்லூர் வடக்கு தெருவை சேர்ந்த சின்னையன் மகள் மதுஸ்ரீ (19). அசூரில் உள்ள ஒரு தனியார்
கல்லூரியில் படித்து வருகிறார். இன்று கல்லூரிக்கு செல்வதற்காக இருசக்கர வாகனம் ஆக்டிவா வாகனத்தில் வீட்டிலிருந்து கல்லூரிக்கு வந்து கொண்டிருக்கும் பொழுது கர்நாடக மாநிலத்தைச் சேர்ந்த ஐயப்ப பக்தர்கள் வந்த வேன் ஐயப்பனை தரிசனம் செய்துவிட்டு திருநாகேஸ்வரம் ராகு ஸ்தலத்திற்கு தரிசனம் செய்வதற்காக வேனில் கும்பகோணம் புறவழிச் சாலையில் சென்று கொண்டிருந்தனர். இந்த நிலையில் வேனும் கல்லூரி மாணவி வந்த டூவீலரும் மோதி சம்பவ இடத்திலேயே கல்லூரி மாணவி பலியானார். கர்நாடக ஐயப்ப பக்தர்கள் வேனை பிரவீன் என்ற டிரைவர் ஓட்டி வந்துள்ளார் என்பது குறிப்பிடத்தக்கது. விபத்து சம்பந்தமாக கும்பகோணம் தாலுகா காவல்துறை ஆய்வாளர் ரேகாராணி சம்பவ இடத்திற்கு வந்து கல்லூரி மாணவியின் உடலை உடற்கூறு ஆய்வுக்காக கும்பகோணம் அரசு மருத்துவமனைக்கு அனுப்பி வைத்தார். வழக்கு பதிவு செய்து விசாரணை செய்து வருகிறார்கள். இதனால் சிறிது நேரம் கும்பகோண புறவழிச் சாலையில் பரபரப்பு ஏற்பட்டது.