பி. இ. பொதுப் பிரிவு கலந்தாய்வு இன்று தொடக்கம்

தமிழகத்தில் பொறியியல் மாணவர்கள்
சேர்க்கையில் பொதுப் பிரிவுக்கான கலந்தாய்வு திங்கள்கிழமை (ஜூலை 29) முதல் தொடங்குகிறது. இந்தக் கலந்தாய்வு மூன்று சுற்றுகளாக நடத்தப்படவுள்ளது.
தமிழகத்தில் அண்ணா பல்கலைக்கழகத்தின் கீழ் இயங்கும் 433 பொறியியல் கல்லூரிகளில் இளநிலைப் படிப்புகளுக்கு 1 லட்சத்து 79, 938 இடங்கள் உள்ளன.
இவற்றை நிரப்புவதற்கான கலந்தாய்வு தொழில்நுட்பக் கல்வி இயக்குநரகம் மூலம் இணையவழியில் நடத்தப்பட்டு வருகிறது. அதன்படி, நிகழாண்டு கலந்தாய்வில் பங்கேற்க 2 லட்சத்து 9, 645 பேர் விண்ணப்பித்திருந்த நிலையில், ஒரு லட்சத்து 99, 868 பேர் கலந்தாய்வில் பங்கேற்கத் தகுதி பெற்றனர்.
இவர்களுக்கான தரவரிசைப் பட்டியல் கடந்த ஜூலை 10- ஆம் தேதி வெளியானது. தொடர்ந்து முதல்கட்டமாக முன் னாள் ராணுவ வீரர்களின் குழந்தைகள், மாற்றுத்திறனாளிகள், விளையாட்டுப் பிரிவு மாணவர்கள் ஆகியோருக்கான சிறப்புப் பிரிவு கலந்தாய்வு கடந்த ஜூலை 22-இல் தொடங்கி ஜூலை 27 வரை நடைபெற்றது. இதில் மொத்தம் 9, 639 இடங்களில் 836 மட்டுமே நிரம்பியுள்ளன. இதில் 92 இடங்கள் அரசுப் பள்ளி மாணவர்களுக்கான 7. 5 சதவீத ஒதுக்கீட்டில் நிரம்பின. இதையடுத்து, பொதுப் பிரிவுக்கான கலந்தாய்வு (ஜூலை 29) தொடங்கி 3 சுற்றுகளாக நடைபெறவுள்ளன. முதல் சுற்று கலந்தாய்வு ஆக. 10-ஆம் தேதி வரை நடைபெறும். கூடுதல் விவரங்களை https: //www. tne aonline. org/ எனும் வலைதளத்தில் அறிந்து கொள்ளலாம்.