திமுக வாக்குச்சாவடி முகவர்கள் ஆலோசனைக் கூட்டம்

தஞ்சாவூர் தெற்கு மாவட்டம், பேராவூரணி சட்டமன்றத் தொகுதிக்குட்பட்ட திமுக வாக்குச்சாவடி நிலை முகவர்கள் (பிஎல்ஏ-2) ஆலோசனைக் கூட்டம் பேராவூரணி எஸ்டிடி திருமண மண்டபத்தில் வெள்ளிக்கிழமை காலை நடைபெற்றது. நிகழ்ச்சிக்கு, பேராவூரணி எம்எல்ஏ நா. அசோக்குமார் தலைமை வகித்தார்.  தொகுதி பார்வையாளர் சுப. சரவணன் சிறப்புரையாற்றினார்.  
தெற்கு மாவட்ட அவைத் தலைவர் சுப. சேகர், ஒன்றியச் செயலாளர்கள் மு. கி. முத்துமாணிக்கம், க. அன்பழகன், வை. ரவிச்சந்திரன்,   கோ. இளங்கோவன், சோம. கண்ணப்பன், பா. ராமநாதன், மாவட்ட ஊராட்சிக்குழு உறுப்பினர் அலிவலம் அ. மூர்த்தி, முன்னாள் மாவட்ட துணைச் செயலாளர் என். செல்வராஜ், பேரூராட்சி துணைத் தலைவர் கி. ரெ. பழனிவேல், மாவட்ட விவசாயிகள் அணி செயலாளர் குழ. செ. அருள்நம்பி, நகர அவைத் தலைவர் நீலகண்டன், மற்றும் பல்வேறு சார்பு அணிகளின் நிர்வாகிகள் கலந்து கொண்டு பேசினர்.  இதில், தொகுதிக்குட்பட்ட  வாக்குச்சாவடி நிலை முகவர்கள், கட்சி நிர்வாகிகள், கட்சியினர் கலந்து கொண்டனர்.  
முன்னதாக நகரச் செயலாளர் என். எஸ். சேகர் வரவேற்றார். நிறைவாக, மாவட்ட இளைஞரணி துணை அமைப்பாளர் ஆரோ. அருள் நன்றி கூறினார். கூட்டத்தில், வரும் 2026 சட்டமன்றத் தேர்தலில் 200 க்கும் அதிகமான தொகுதிகளில் வெற்றி பெறும் வகையில், ஒவ்வொருவரும் களப்பணியாற்ற வேண்டும். புதிய வாக்காளர்களை சேர்ப்பதில் முகவர்கள் கவனம் செலுத்த வேண்டும் என அறிவுறுத்தப்பட்டது.