ஒரத்தநாட்டில் வீட்டின் கதவை உடைத்து பணம் திருட்டு

தஞ்சை மாவட்டம் ஒரத்தநாடு அருகே உள்ள புதூர் பகுதியை சேர்ந்தவர் சித்தார்த்தன். இவர் ஒரத்தநாடு டவுன் சன்னதி தெருவில் வாடகை வீட்டில் குடும்பத்துடன் வசித்து வருகிறார். நேற்று முன்தினம் (நவம்பர் 11) இரவு சித்தார்த்தன் சன்னதி தெருவில் உள்ள வீட்டை பூட்டிவிட்டு, புதூருக்கு சென்று விட்டதாக கூறப்படுகிறது. 

இந்த நிலையில் நேற்று முன்தினம் நள்ளிரவில் வீட்டின் முகப்பு கதவை உடைத்துக் கொண்டு உள்ளே புகுந்த மர்ம நபர்கள் வீட்டில் இருந்த ரூ. 30 ஆயிரத்தை திருடி சென்று விட்டனர். இதுபற்றிய தகவல் அறிந்ததும் ஒரத்தநாடு போலீசார் சம்பவ இடத்திற்கு சென்று விசாரணை நடத்தினர். மேலும், தஞ்சையில் இருந்து தடயவியல் நிபுணர்கள் வரவழைக்கப்பட்டு தடயங்களை சேகரித்து விசாரணை நடத்தி வருகின்றனர்.