செப். 25 இல் கிளாமங்கலம் கிராமத்தில் மக்கள் நேர்காணல் முகாம்

பொதுமக்களின் குறைகளை உடனுக்குடன் நிவர்த்தி செய்யும் பொருட்டு, ”மக்கள் நேர்காணல் முகாம்” என்ற திட்டம் தொடங்கப்பட்டு ஒவ்வொரு மாதமும் 2-வது புதன்கிழமை நடைபெற்று வருகிறது.  

இதையொட்டி,  எதிர்வரும் 25. 09. 2024 (புதன்கிழமை) அன்று திருவோணம் வட்டம், திருநல்லூர் சரகம், கிளாமங்கலம் கிராமத்தில் ”மக்கள் நேர்காணல் முகாம்” நடத்திட மாவட்ட ஆட்சித்தலைவர் உத்தரவிட்டுள்ளார்.  

இதில், பொதுமக்கள் பெருமளவில் கலந்து கொண்டு தங்களது கோரிக்கை தொடர்பாக மனுக்களை அளித்து தீர்வு பெற்றுக்கொள்ளலாம்.  

மேலும், மக்கள் நேர்காணல் முகாம் நடைபெறுவதற்கு முன்னரே முன்மனுக்கள் பெறும் பொருட்டு பொதுமக்கள் தங்களது கோரிக்கை மனுக்களை கிளாமங்கலம் கிராம நிர்வாக அலுவலரிடம் அளித்து பயனடையுமாறு மாவட்ட ஆட்சித்தலைவர்
பா. பிரியங்கா பங்கஜம் தெரிவித்துள்ளார்.