தென்காசியில் நடுரோட்டில் கவிழ்ந்த பேருந்து! பயணிகள் படுகாயம்

தென்காசி மாவட்டம் சங்கரன்கோவிலில் இருந்து செங்கோட்டைக்கு தனியார் பேருந்து நேற்று இரவு சென்றது. இந்த பேருந்து இலத்தூர் ஈனா விலக்கு சாலையில் அதிவேகமாக வந்தபோது சாலையின் தடுப்பில் மோதி நிலை தடுமாறி விபத்துக்குள்ளாகி பேருந்து கவிழ்ந்தது.

இந்த விபத்தில் பேருந்தில் பயணம் செய்த 5 பயணிகள் படுகாயம் அடைந்தனர். தொடர்ந்து பயணிகளை மீட்டு சிகிச்சைக்காக தென்காசி அரசு மருத்துவமனையில் அனுமதிக்கப்பட்டுள்ளனர்.

இது குறித்து போலீசார் வழக்கு பதிவு செய்து விசாரணை மேற்கொண்டு வருகின்றனர்.