தி கோட் டிக்கெட் கட்டணம் அதிகம்: கொடி பிடித்த கட்சியினர்

நடிகர் விஜயின் தி கோட் திரைப்படம் இன்று (செப்.,5) தமிழகம் முழுவதும் வெளியாகி உள்ளது. காரைக்குடியில் இப்படமானது பாண்டியன், சத்தியம் ஆகிய திரையரங்கில் வெளியாகி உள்ளது. தி கோட் திரைப்படத்திற்கான கட்டணம் இரு திரையரங்கிலும் 100 ரூபாய்க்கு பதில் 200 ரூபாய்க்கு விற்பனை செய்து வருவதாகவும் 40 ரூபாய்க்கு டிக்கெட் விற்க மறுத்து அராஜகம் செய்வதாகவும் இந்திய கம்யூனிஸ்ட் கட்சி சார்பில் பாண்டியன் திரையரங்குக்கு முன்பு ஆர்ப்பாட்டம் நடத்தப்படும் என்று போஸ்டர் ஒட்டப்பட்டு இருந்தது. ஆனால் காவல்துறையினர் அனுமதி அளிக்காததால் 100 அடி சாலையில் இந்திய கம்யூனிஸ்ட் கட்சி சார்பில் கண்டன ஆர்ப்பாட்டம் நடைபெற்றது.