சேலத்தில் 2 வாலிபர்கள் தூக்குப்போட்டு தற்கொலை

54பார்த்தது
சேலத்தில் 2 வாலிபர்கள் தூக்குப்போட்டு தற்கொலை
சேலம் மாவட்டம் கோராத்துப்பட்டியை சேர்ந்தவர் முத்துசாமி. இவருடைய மகன் கவியரசன் (வயது 21). சம்பவத்தன்று இவர் வீட்டில் தூக்குப்போட்டு தற்கொலை செய்து கொண்டார். இது குறித்து வீராணம் போலீசாருக்கு தகவல் தெரிவிக்கப்பட்டது. இதையடுத்து போலீசார் விரைந்து சென்று கவியரசனின் உடலை மீட்டு பிரேத பரிசோதனைக்காக சேலம் அரசு ஆஸ்பத்திரிக்கு அனுப்பி வைத்தனர். ெதாடர்ந்து போலீசார் வழக்குப்பதிவு செய்து அவர் தற்கொலை செய்து கொண்டதற்கான காரணம் குறித்து விசாரணை நடத்தி வருகின்றனர்.
இதேபோல் அழகாபுரம் பகுதியை சேர்ந்தவர் தங்கவேல். இவருடைய மகன் ரூபகண்டன் (27). இவர் சம்பவத்தன்று வீட்டில் தூக்குப்போட்டு தற்கொலை செய்து கொண்டார். இதுகுறித்து அழகாபுரம் போலீசாருக்கு தகவல் தெரிவிக்கப்பட்டது. அதன் பேரில் போலீசார் விரைந்து சென்று வாலிபரின் உடலை மீட்டு சேலம் அரசு ஆஸ்பத்திரிக்கு அனுப்பி வைத்தனர். தொடர்ந்து போலீசார் வழக்குப்பதிவு செய்து ரூபகண்டன் தற்கொலை செய்து கொண்டதற்கான காரணம் குறித்து விசாரணை நடத்தி வருகின்றனர்.

தொடர்புடைய செய்தி