சங்ககிரி அரசு பள்ளி மாணவ, மாணவிகளுக்கு கபசுர குடிநீர் வழங்கல்

சேலம்: சங்ககிரி பப்ளிக் சேரிடபுள் டிரஸ்ட் மற்றும் வாசவி கிளப் சார்பில் தொடர்ந்து மூன்று நாட்கள் கபசுர குடிநீர் அரசு பள்ளி மாணவ, மாணவிகளுக்கு வழங்கப்பட்டது.

சங்ககிரி பப்ளிக் சேரிடபுள் டிரஸ்ட் மற்றும் வாசவி கிளப் இணைந்து மூன்றாவது நாளாக இன்று சங்ககிரி அரசு ஆண்கள் மேல் நிலைப்பள்ளி மற்றும் சங்ககிரி அரசு மகளிர் மேல் நிலைப்பள்ளி மற்றும் நட்டுவம்பாளையம் அரசு மேல் நிலைப்பள்ளி, மாணவ மாணவிகள், ஆசிரியர்கள் உட்பட சுமார் 580 நபர்களுக்கு கொரோனா நோய் எதிர்ப்பு, கபசுர குடிநீர் வழங்கபட்டது.

நிகழ்ச்சியில் டிரஸ்ட் நிர்வாகிகள், கவுன்சிலர் கதிர்வேல், "உழைப்பாளி " கணேஷ், மருதுபாண்டி, ராகவன், ஆனந்த், உட்பட மூன்று பள்ளி தலைமை ஆசிரியர்களும் கலந்து கொண்டனர்.

கபசுர குடிநீர் வழங்கும் பணி இன்றுடன் நிறைவு பெற்றது.