85 வயது மூதாட்டி மாயம்; 3 பேரிடம் ஓமலூர் DSP விசாரணை!

சேலம் மாவட்டம், ஓமலூர் வட்டம், பெரியேரிப்பட்டி பஞ்சாயத்து, அம்மன் கோவில்பட்டியை அடுத்த பேரமரத்தூர் கிராமத்தை சேர்ந்த பொன்னுசாமி மனைவி பொன்னியம்மாள் 85 இவரது கணவர் இறந்துவிட்ட நிலையில் அம்மன் கோவில்பட்டியில் உள்ள அவரது விவசாய தோட்டத்தில் தனியாக வசித்து வந்தார்.

இந்த நிலையில் அவரது விவசாயத் தோட்டத்தில் கல் வரப்பு கட்டும் பணி நடைபெற்று வந்தது, அங்கு வேலை செய்யும் ஆட்கள் சென்று பார்த்தபோது பொன்னியம்மாள் இல்லாததை கண்டு அவரது பேரன் கணேசனுக்கு தகவல் தெரிவிக்கவே அவர் பல இடங்களில் தேடியும் கிடைக்கவில்லை இதையடுத்து கடந்த 03. 08. 2024 அன்று கணேசன் தொளசம்பட்டி காவல்நிலையத்தில் புகார் அளித்ததையடுத்து தொளசம்பட்டி காவல் துறையினர் விசாரணை நடத்தி வந்த நிலையில் நேற்று சந்தேகத்தின்பேரில்

அதே பகுதியைத் சேர்ந்த சித்துராஜ் (30).

கருக்குப்பட்டி, தாரமங்கலம் சேர்ந்த தனுஷ் (22).

அம்மன் கோவில்பட்டி, நத்தகாடு பகுதியைச் சேர்ந்த மாரிமுத்து (20)

ஆகிய 3பேரை சந்தேகத்தின்பேரில் தாரமங்கலம் காவல் ஆய்வாளர் அலுவலகத்திற்கு அழைத்துவந்து ஓமலூர் காவல் துணை கண்காணிப்பாளர், தாரமங்கலம் காவல் ஆய்வாளர் ஆகியோர் விசாரணை செய்தனர்.