கோடக் மஹிந்திரா வங்கி மீது ரிசர்வ் வங்கி தடை விதிப்பு

தனியார் துறையான கோடக் மஹிந்திரா வங்கிக்கு ரிசர்வ் வங்கி அதிர்ச்சி அளித்துள்ளது. ஆன்லைன் மற்றும் மொபைல் பேங்கிங் சேனல்கள் மூலம் புதிய வாடிக்கையாளர்களை உள்வாங்குவதற்கான கட்டுப்பாடுகள் விதிக்கப்பட்டுள்ளது. மேலும் புதிய கிரெடிட் கார்டு வழங்குவதை உடனடியாக நிறுத்தவும் உத்தரவிட்டது. 2022 மற்றும் 2023 ஆம் ஆண்டுகளில் ரிசர்வ் வங்கியின் தகவல் தொழில்நுட்ப ஆய்வின் போது கண்டறியப்பட்ட குறைபாடுகளை வங்கி முழுமையாகவும் சரியான நேரத்தில் நிவர்த்தி செய்யத் தவறியதால் இந்த நடவடிக்கைகள் எடுக்கப்பட்டதாக ரிசர்வ் வங்கி தெரிவித்துள்ளது.