அரிவாள் வெட்டு சம்பவம்: 2பேர் கைது!

புதுக்கோட்டை மாவட்டம் இலுப்பூர்: அன்னவாசல் அருகே
வீரப்பட்டி மேட்டுக்களம் பகுதியை சேர்ந்தவர் நிர்மல்குமார் (28). இவருக்கும் அதே பகுதியை சேர்ந்த முருகேசன் (24) என்பவருக்கும் இடப்பிரச்சனை இருந்து வந்ததாக கூறப்படுகிறது. இந்நிலையில் முருகேசன் அவரது ஆதரவாளர்கள் சிவா, செல்லத்துரை ஆகியோர் நிர்மல்குமார் வீட்டிற்கு சென்று வாக்குவாதத்தில் ஈடுபட்டுள்ளனர். அப்போது முருகேசன் தான் கையில் வைத்திருந்த அரிவாளால் நிர்மல் குமாரை வெட்டியுள்ளார். நிர்மல் குமார் தாய் சின்னப்பொண்ணு வையும் தாக்கியுள்ளனர். அவர்கள் இருவரையும் உறவினர்கள் மீட்டு சிகிச்சைக்காக புதுக்கோட்டை அரசு மருத்துவக்கல்லூரி ஆஸ்பத்திரிக்கு அனுப்பி வைத்தனர். இது குறித்து நிர்மல்குமார் கொடுத்த புகாரின் பேரில் அன்னவாசல் போலீசார் முருகேசன் உள்ளிட்ட 3பேர் மீது வழக்குப்பதிவு செய்து முருகேசன், சிவா ஆகிய இருவ ரையும் கைது செய்தனர்.