கீரனூரில் தரைக் கடைகளில் அடாவடி வசூல் செய்வதாக புகார்

தமிழகத்திலேயே எங்கும் இல்லாத அளவுக்கு கீரனூர் தேர்வு நிலை பேரூராட்சியில் தரைக் கடைகளுக்கு கூடுதல் வாடகை வசூல் செய்யப்படுவதாக வணிகர் சங்கத்தினர் குற்றம்சாட்டியுள்ளனர். இங்குள்ளஅனுமதிக்கப்பட்ட தரை கடைகளுக்கு நாள் ஒன்றுக்கு ரூ. 3 வீதம் 10 சதுர அடிக்கு 30 ரூபாய் வாங்குவதாக புகார் தெரிவிக்கின்றனர். மேலும், சரக்குகள் இறக்கும் வரும் வாகன ஓட்டிகளிடமும் அதிக பணம் வசூல் செய்யப்படுகிறது. எனவே, மாவட்ட நிர்வாகம் உடனடியாக தலையிட்டு இதற்கு தீர்வு காண வணிகர் சங்கத்தினர் கோரிக்கை விடுத்துள்ளனர்.