பாதாள சாக்கடையால் தடைபட்ட மேம்பாலம் கட்டுமான பணி

நாகப்பட்டினம் அடுத்த அக்கரைப்பேட்டை சாலையில் ரயில் நிலையம் அருகில் கட்டுமான பணி நடைபெற்று வருகிறது. இந்த இடத்தில் பாதாள சாக்கடை திட்ட குழாய் உடைப்பு ஏற்பட்டதால் கழிவுநீர் முழுவதும் கட்டுமான தளத்திலேயே தேங்கியது. இதனால் பணிகள் முற்றிலும் நிறுத்தப்பட்டுள்ளது. இதனை அடுத்து நாகப்பட்டினம் நகராட்சி தலைவர் மாரிமுத்து இன்று(செப்.3) பார்வையிட்டு ஆய்வு மேற்கொண்டார். மேலும் பாதாள சாக்கடை கழிவுநீரை அகற்ற ஊழியர்களுக்கு உத்தரவிட்டுள்ளார்.