மயிலாடுதுறை: சாராயம், கஞ்சா விற்ற 37 போ் கைது
மயிலாடுதுறை மாவட்டத்தில் பிப். 9 முதல் பிப். 20-ஆம் தேதி வரையிலான 12 நாள்களில் சாராயம் மற்றும் கஞ்சா விற்பனையில் ஈடுபட்ட 37 பேர் கைது செய்யப்பட்டனர். இதுகுறித்து மயிலாடுதுறை மதுவிலக்கு டிஎஸ்பி எம். சுந்தரேசன் வெளியிட்ட செய்திக்குறிப்பு: மயிலாடுதுறை மாவட்ட காவல் கண்காணிப்பாளர் கோ. ஸ்டாலின் உத்தரவின் பேரில், சாராயம் மற்றும் கஞ்சா விற்பனையைத் தடுக்க கடும் நடவடிக்கை மேற்கொள்ளப்பட்டு வருகிறது. அவ்வகையில் பிப். 9 முதல் பிப். 20-ஆம் தேதி வரையிலான 12 நாள்களில் சாராயம் மற்றும் கஞ்சா விற்பனையில் ஈடுபட்ட 37 பேர் கைது செய்யப்பட்டனர்.
