டிப்பர் லாரி - ஆட்டோ மோதல்; ஒருவர் பலி

மதுரை மாவட்டம் உசிலம்பட்டி அருகே உள்ள செட்டியபட்டி கிராமத்தில் மதுரை - தேனி செல்லும் தேசிய நெடுஞ்சாலையில் டிப்பர் லாரி ஷேர் ஆட்டோ மீது மோதியது. இதில் சாலையோரம் நின்று கொண்டிருந்த விமல் என்பவர் இந்த விபத்தில் சம்பவ இடத்திலே உயிரிழந்தார். இதுகுறித்து சம்பவ இடத்துக்கு சென்ற காவல்துறை அதிகாரிகள் வழக்கு பதிவு செய்து விசாரணை செய்து வருகின்றனர். இதில் 6 பேர் லேசான காயங்களுடன் உயிர்தப்பினர். இதனால் அந்த பகுதியில் சிறிது நேரம் போக்குவரத்து பாதிக்கப்பட்டது.