மதுரை: ஆட்டு கிடாய் முட்டி பெண் பலி..!

மதுரை மாவட்டம், பாலமேடு காவல் நிலைய எல்லைக்கு உட்பட்ட சேந்தமங்கலம் கிராமத்தைச் சேர்ந்தவர் வசந்தா (48). இவர் கடந்த 13-ஆம் தேதி காலை தனது வீட்டின் முன்பு செம்மறி ஆட்டை அவிழ்த்து இடம் மாற்றி கட்டியுள்ளார். அப்போது ஆட்டு கிடாய் வசந்தாவை முட்டி தள்ளியது.

மழை பெய்து தரை ஈரமாக இருந்ததால் வசந்தா நிலைதடுமாறி கீழே விழுந்தார். இதில் வசந்தாவின் பின் தலையில் காயம் ஏற்பட்டது.இதற்காக அவர் மதுரை அரசு மருத்துவமனையில் சிகிச்சை பெற்று வந்தார்.
இருப்பினும், சிகிச்சை பலனின்றி உயிரிழந்தார். இதுகுறித்து பாலமேடு காவல் நிலையத்தில் வழக்கு பதிவு செய்யப்பட்டுள்ளது. வழக்குப் பதிவு செய்து போலீசார் விசாரணை நடத்தி வருகின்றனர்