கரூர்: புதிய சார் பதிவாளர் அலுவலகம் திறப்பு விழா

தமிழ்நாடு அரசின் பத்திரப்பதிவு துறையின் சார்பில் மேம்படுத்தப்பட்ட வசதியுடன் ரூபாய் 22.36 கோடி மதிப்பில் கட்டப்பட்ட 12 புதிய சார்பதிவாளர் அலுவலகங்களை தமிழ்நாடு முதலமைச்சர் இன்று காணொளி காட்சி வாயிலாக திறந்து வைத்தார். அதன்படி கரூர் மாவட்டம் குளித்தலையில் பத்திரப்பதிவுத்துறையின் சார்பில் ரூ. 2.51 கோடி மதிப்பில் கட்டப்பட்ட புதிய சார்பதிவாளர் அலுவலகம் தமிழ்நாடு முதலமைச்சர் மு.க. ஸ்டாலின் தலைமைச் செயலகத்தில் இருந்து காணொளி காட்சி வாயிலாக பொதுமக்கள் பயன்பாட்டிற்காக திறந்து வைத்தார்.

அதனைத் தொடர்ந்து கரூர் மாவட்ட ஆட்சியர் தங்கவேல், எம்எல்ஏ மாணிக்கம், குளித்தலை நகர்மன்ற தலைவர் சகுந்தலா பல்லவி ராஜா ஆகியோர் குத்து விளக்கேற்றி அங்கிருந்த பொதுமக்களுக்கு இனிப்புகளையும் வழங்கினர். மேலும் மாவட்ட ஆட்சியர், சார்பதிவாளர் அலுவலகத்தின் அறைகள் மற்றும் பத்திரங்கள் சேகரித்து வைத்திருக்கும் அறை ஆகியவற்றினை பார்வையிட்டு ஆய்வு செய்தார்.

இந்நிகழ்வில் குளித்தலை சார் ஆட்சியர் சுவாதி ஸ்ரீ, கரூர் மாவட்ட பதிவாளர் நிர்வாகம் குமார், மாவட்ட பதிவாளர் தணிக்கை அருள்ஜோதி, சார் பதிவாளர் ஸ்ருதி, திமுக ஒன்றிய செயலாளர்கள் சூரியனூர் சந்திரன், பொய்யாமணி தியாகராஜன், புழுதேரி அண்ணாதுரை, ராமர், ஒன்றிய பொறுப்பாளர்கள் கதிரவன், கரிகாலன் உள்ளிட்ட திமுக நிர்வாகிகள், அரசு பொதுப்பணித்துறை அதிகாரிகள் என பலரும் கலந்து கொண்டனர்.