மார்த்தாண்டம்: மருமகள் மரணம்: கணவர் மாமியார் மீது வழக்கு
மார்த்தாண்டம் அடுத்த சிதறால், மேக்கனாவிளையை சேர்ந்தவர் ஏசாயா மகள் ஜெயராணி (37). இவருக்கும் காஞ்சிரகோடு பகுதி ராஜாமணி என்பவர் மகன் வின்ஸ் குமார் (40 ) என்பவருக்கும் திருமணம் நடைபெற்றது. இரண்டு குழந்தைகள் உள்ளனர். இந்த நிலையில் கணவன் மனைவி இடையே அடிக்கடி பிரச்சனை ஏற்பட்டு வந்ததாக கூறப்படுகிறது. அப்போது வின்ஸ் குமார் தனது மனைவி ஜெயராணியை தாக்கி உள்ளார். இதில் படுகாயம் அடைந்த ஜெயராணி தனியார் ஆஸ்பத்திரியில் சிகிச்சை பெற்று வந்துள்ளார். சிகிச்சை முடிந்து வீட்டுக்கு சென்ற பின்பும் ஜெயராணியை கணவர் வின்ஸ்குமார் மீண்டும் தாக்கியதாக கூறப்படுகிறது. மறுநாள் காலையில் பார்த்தபோது ஜெயராணி அசைவற்ற நிலையில் கிடந்துள்ளார். இதையடுத்து அவரை நேற்று குழித்துறை அரசு ஆஸ்பத்திரியில் சேர்த்துள்ளனர். அங்கு அவரை பரிசுத்த டாக்டர்கள் அவர் ஏற்கனவே இறந்து விட்டதாக தெரிவித்துள்ளனர். இது குறித்து ஜெயராணி தந்தை மார்த்தாண்டம் போலீசில் புகார் செய்தார். தனது மகளை அவரது கணவர் தாக்கியதால் தான் இறந்து விட்டதாகவும் தன்னுடைய மகளின் சாவில் சந்தேகம் இருப்பதாக புகார்கள் கூறியிருந்தார். புகாரின் பேரில் வின்ஸ் குமார், மாமனார் ராஜாமணி, மாமியார் செல்வபாய் உட்பட 3 பேர் மீது வழக்கு பதிவு செய்து போலீசார் விசாரணை நடத்தி வருகின்றனர்.
