களியக்காவிளை: ஆர் எஸ் எஸ் அமைப்பினர் அணிவகுப்பு ஊர்வலம்

ஆர் எஸ் எஸ் அமைப்பு விஜயதசமி அன்று தொடங்கப்பட்ட அமைப்பாகும். இந்த அமைப்பு தொடங்கி 99 ஆண்டு நிறைவடைந்து, நூறாவது ஆண்டு தொடங்குகிறது. இதை முன்னிட்டு ஆர்எஸ்எஸ் அமைப்பு சார்பில் தமிழகம் முழுவதும் நேற்று 57 இடங்களில் போலீஸ் பாதுகாப்புடன் ஊர்வலங்கள் நடந்தன.

        குமரி மாவட்டத்தில் களியக்காவிளை மற்றும் ஈசாந்தி மங்கலம் ஆகிய  இரண்டு இடங்களில் அணிவகுப்பு நேற்று நடந்தது. களியக்காவிளை பனங்காலை பகுதியில் நடந்த ஊர்வலத்திற்கு ஆர் எஸ் எஸ் குமரி மேற்கு மாவட்ட தலைவர் ராஜேந்திரன் தலைமை வகித்தார்.

       ஊர்வலம் பனங்காலில் இருந்து தொடங்கி களியக்காவிளை பஸ் நிலையம், பி பி எம் சந்திப்பு வழியாக படந்தாலுமூடு பகுதி வந்தடைந்தது. இந்த பேரணியில் 2 ஆயிரத்துக்கும் மேற்பட்டோர் சீருடையுடன் கலந்து கொண்டனர்.

     ஊர்வலத்திற்கு வழி நெடுகிலும்  பொதுமக்கள் பூக்கள் தூவி வரவேற்ப்பளித்தனர். பின்னர் நடைபெற்ற பொதுக்கூட்டத்தில் ஆர் எஸ் எஸ் மாநில நிர்வாகி சின்னபாலன் சிறப்புரை ஆற்றினார்.