காஞ்சிபுரம்: மின்மோட்டாரின் காப்பர் ஒயர்கள் திருட்டு

காஞ்சிபுரம் மாவட்டம் உத்திரமேரூர் பேரூராட்சி, வேடபாளையம் பகுதியில், சில நாட்களாக விவசாய நிலங்களில், மின் மோட்டாரில் உள்ள காப்பர் ஒயர்களை இரவு நேரங்களில் மர்ம நபர்கள் திருடி செல்கின்றனர். இதனால், குறித்த நேரத்தில் சாகுபடி நிலங்களுக்கு பாசனம் செய்ய முடியாமல் விவசாயிகள் அவதிப்படுகின்றனர்.
இந்நிலையில், வேடபாளையம் பகுதியைச் சேர்ந்த பெருமாள் என்பவரின் விவசாய நிலத்தில் இருந்து, நேற்றுமுன்தினம்(செப்.10) இரவு, 3, 000 ரூபாய் மதிப்பிலான பாசன மின்மோட்டாரின் காப்பர் ஓயர்களை திருடி சென்றுள்ளனர்.

இதுகுறித்து, விவசாயிகள் ஒருங்கிணைந்து உத்திரமேரூர் போலீசில் புகார் அளித்துள்ளனர். இதேபோன்று தொடர்ந்து உத்திரமேரூர் பகுதிகளில் மின் மோட்டார்களின் காப்பர் ஒயர் தொடர் திருட்டு சம்பவங்கள் நடைபெற்று வருவதால் விவசாயிகள் அதிர்ச்சி அடைந்துள்ளனர். எனவே இது போன்ற தொடர் திருட்டு சம்பவங்களை தடுப்பதற்காக காவல்துறையினர் இரவு ரோந்து பணிகளில் ஈடுபட வேண்டும் என விவசாயிகள் கோரிக்கை வைத்துள்ளனர்.