வேளாண் சேமிப்பு கிடங்கு கட்டடம் பயன்பாடின்றி வீண்

உத்திரமேரூர் ஒன்றியம், குருமஞ்சேரி ஊராட்சிக்கு உட்பட்டது சீட்டணஞ்சேரி கிராமம். இக்கிராமத்தில், தொடக்க வேளாண் கூட்டுறவு சங்க கடன் வங்கி செயல்படுகிறது.

இதற்காக சீட்டணஞ்சேரி காளீஸ்வரர் கோவில் பின்புறம் 15 லட்சம் ரூபாய் செலவில், 2015- - 16ல், தானிய சேமிப்புக் கிடங்கு கட்டடம் கட்டப்பட்டது.

பணி முழுமையாக நிறைவு பெற்று திறப்பு விழா கண்ட இக்கட்டடம், அதன்பின் இதுவரை பயன்பாடு இல்லாமல் வீணாகி வருகிறது. இதனால், அரசு நிதி வீணடிக்கப்பட்டுள்ளதாக அப்பகுதிவாசிகள் கூறி வருகின்றனர்.

எனவே, சீட்டணஞ்சேரியில் கட்டி உள்ள தானிய சேமிப்புக் கிடங்கை விவசாயிகள் பயன்பெறும் வகையில் உபயோகிக்க சம்பந்தப்பட்ட துறை அதிகாரிகள் நடவடிக்கை எடுக்க வேண்டும் என, அப்பகுதியினர் கோரிக்கை விடுத்துள்ளனர்.