மதுராந்தகத்தில் சிலிண்டர் வெடித்து இருவர் காயம்

செங்கல்பட்டு மாவட்டம், மதுராந்தகம் அடுத்த ஒரு சிலாவட்டம் கிராமத்தில் உள்ள தமிழ்நாடு அரசு நுகர்பொருள் வாணிப கழகம் கிடங்கு புதியதாக கட்டி வரப்படுகிறது. இது கடந்த ஆறு மாத காலமாக நடைபெற்று வருகிறது. இங்கு சுமார் 30க்கும் மேற்பட்ட கூலித் தொழிலாளர்கள் வேலை செய்து வருகின்றனர். இப்பணி 60% முடிந்துள்ள நிலையில் கூலி தொழிலாளர்கள் இங்கேயே தங்கி உள்ளதால் இன்று(செப்.11) காலை சமையல் செய்யும் போது கேஸ் சிலிண்டர் வெடித்தது.

இதில் கடலூர் மாவட்டத்தைச் சேர்ந்த பரிமளம் (52), முத்துக்குமரன் (36) ஆகிய 2 பேர் தீக்காயமடைந்தனர். உடனடியாக தீயணைப்பு துறைக்கும் காவல்துறைக்கும் தகவல் தெரிவிக்கப்பட்டது. தீயணைப்பு துறையினர் வந்து தீயணைத்தனர். தீகாயம் அடைந்த இருவரை சிகிச்சைக்காக மதுராந்தகம் அரசு மருத்துவமனையில் அனுமதிக்கப்பட்டு, சிகிச்சை அளிக்கப்பட்டு மேல் சிகிச்சைக்காக செங்கல்பட்டு அரசு மருத்துவமனைக்கு அனுப்பி வைத்தனர். இந்த விபத்து குறித்து மதுராந்தகம் போலீசார் விசாரணை நடத்தி வருகின்றனர்.