புதிய சாதனை படைத்த ஹைதராபாத் அணி

ஐபிஎல் வரலாற்றில் சன் ரைசர்ஸ் ஹைதராபாத் அணி புதிய சாதனை படைத்துள்ளது. சின்னசாமி ஸ்டேடியத்தில் நடந்து வரும் பெங்களூருக்கு எதிரான இன்றைய போட்டியில் 20 ஓவரில் 3 விக்கெட் இழப்பிற்கு 287 ரன்கள் குவித்து ஐபிஎல் வரலாற்றிலேயே யாரும் செய்யாத சாதனையை படைத்துள்ளது. இந்தப் போட்டியில் ஹெட் 102, கிளாசன் 67, அபிஷேக் 34, மார்க்ரம் 32* மற்றும் சமத் 37* ரன்கள் எடுத்தனர். 288 சவாலான இலக்கை பெங்களூருவுக்கு ஹைதராபாத் அணி நிர்ணயித்துள்ளது. முன்னதாக மும்பைக்கு எதிரான போட்டியில் 277 ரன்கள் எடுத்திருந்தது ஐபிஎல் வரலாற்றில் அதிக ரன்களாக இருந்த நிலையில், தனது சொந்த சாதனையை இந்த போட்டியில் ஹைதராபாத் அணி முறியடித்துள்ளது.