ஹாக்கி இந்தியா லீக்: 4ஆவது வெற்றியை ருசித்த தமிழ்நாடு டிராகன்ஸ்

ஹாக்கி இந்தியா லீக் தொடர் ஒடிசாவின் ரூர்கேலாவில் நடந்து வருகிறது. இதில் நேற்று நடைபெற்ற ஆட்டத்தில் தமிழ்நாடு டிராகன்ஸ் அணி ஷராச்சி ரார் பெங்கால் டைகர்சை எதிர்கொண்டது. பரபரப்பாக நடைபெற்ற இந்த ஆட்டத்தில் தமிழ்நாடு டிராகன்ஸ் 2-1 என்ற கோல் கணக்கில் வெற்றி பெற்றது. இந்த தொடரில் தமிழ்நாடு டிராகன்ஸ் பெற்ற 4ஆவது வெற்றி இதுவாகும் என்பது குறிப்பிடத்தக்கது. இன்றைய ஆட்டத்தில் ஐதராபாத் டூபான்ஸ் - சூர்மா ஆக்கி கிளப் அணிகளும், டெல்லி எஸ்.ஜி. பைபர்ஸ் - உ.பி. ருத்ராஸ் அணிகளும் மோதுகின்றன.