கொடுமுடியில் பணம் வைத்து சூதாடிய 9 பேர் கைது

ஈரோடு மாவட்டம் கொடுமுடி போலீசார் காசிபாளையம் வாய்க்கால் கரை பகுதியில் நேற்று ரோந்து சென்றனர். அப்போது, அப்பகுதியில் சிலர் தாயம் விளையாட்டில் பணம் வைத்து சூதாடி வருவதாக தகவல் வந்தது. இதையடுத்து அவர்களை போலீசார் சுற்றிவளைத்து பிடித்து விசாரணை நடத்தினர்.

இதில், அவர்கள் கொடுமுடி காசிபாளையத்தை சேர்ந்த சுதாகர் (41), அதே பகுதியை சேர்ந்த அப்பாஸ் (46), கிழக்கு வீதியை சேர்ந்த கோபிநாத் (30), சரவணன் (41), அரவிந்த் (28), ஜெகதீஷ் (36), பிரபாகரன் (28), ராஜா (28), கந்தசாமி (38) ஆகிய 9 பேர் என்பது தெரியவந்தது. இதைத்தொடர்ந்து 9 பேரையும் போலீசார் கைது செய்து, அவர்களிடம் இருந்து ரூ. 3, 840 ரொக்கம், தாய கட்டையை பறிமுதல் செய்தனர்.