தாளவாடி அருகே வாகன ஓட்டிகளை துரத்திய ஒற்றை யானை

சத்தியமங்கலம் அடுத்த தாளவாடி அருகே ஒற்றை யானை வாகன ஓட்டிகளை துரத்துவதால் அவர்கள் பீதி அடைந்துள்ளனர்.

ஈரோடு மாவட்டம் சத்தியமங்கலம் புலிகள் காப்பகம் வனப்பகுதியில் புலி, மான், சிறுத்தை, கரடி, யானை உள்ளிட்ட ஏராளமான வன விலங்குகள் வசித்து வருகின்றன. வனவிலங்குகள் வனப்பகுதியில் இருந்து உணவு மற்றும் தண்ணீருக்காக வனச் சாலையை கடந்து செல்வது வழக்கம். இந்நிலையில் தாளவாடி - கும்டாபுரம் ரோட்டில் யானை நாடமாட்டம் இருந்தது.

வனப்பகுதியையொட்டி ரோட்டோரமாக நின்றிருந்ததால் வாகன ஓட்டிகள் வழக்கம்போல் எதிர் திசையில் ஓரமாக சென்றனர். இதைக் கண்ட யானை வாகன ஓட்டிகளை துரத்தியது. இதனால் இருசக்கர வாகன ஓட்டிகள் மேற்கொண்டு செல்ல முடியாமல் ரோட்டில் வரிசையாக நின்றன. இந்த காட்சியை அந்த வழியாக சென்ற வாகன ஓட்டிகள் சிலர் செல்போன்களில் வீடியோ எடுத்து சோசியல் மீடியாவில் பதிவிட்டது தற்போது வைரலாகி வருகிறது.

இந்த இடத்தில் கடந்த சில நாட்களாகவே யானைகள் நடமாடி வருவதால் இருசக்கர பவாகன ஒட்டிகள் பீதியடைந்துள்ளனர். இருசக்கர வாகனங்களில் சசெல்வோர் கவனமாக செல்ல வனத்துறையினர் அறிவுறுத்தி வருகின்றனர்.