அந்தியூரில் சரக்கு ஆட்டோ மோதி மாற்றுத்திறனாளி பெண் சாவு

அந்தியூர் பஸ் நிலையம் பகுதியில் வசிப்பவர் பழனியம்மாள் வயது (79) மாற்றுத்திறனாளி. இவர் நேற்று டீ குடிப்பதற்காக தவழ்ந்தபடி கடைக்குச் சென்றார். அப்போது அந்த வழியாக வந்த சரக்கு ஆட்டோ அவர் மீது மோதியது. இதனால் அவர் படுகாயம் அடைந்தார். உடனே அக்கம் பக்கத்தினர் அவரை மீட்டு சிகிச்சைக்காக அந்த பகுதியில் உள்ள தனியார் மருத்துவமனைக்கு கொண்டு சென்றனர். அங்கு பரிசோதனை செய்த டாக்டர்கள் வரும் வழியிலேயே பழனியம்மாள் உயிழந்துவிட்டதாக தெரிவித்தனர். இது குறித்து அந்தியூர் போலீசார் வழக்குப்பதிவு செய்து விசாரணை நடத்தி வருகின்றனர்.