ஜன்னல் கம்பியை உடைத்து நகைகள் கொள்ளை

64பார்த்தது
ஜன்னல் கம்பியை உடைத்து நகைகள் கொள்ளை
திண்டுக்கல் நாகல்நகா் குருநகா் பகுதியைச் சோ்ந்தவா் ரங்கேஷ். தனியாா் காப்பீட்டு நிறுவனத்தில் ஆலோசகராகப் பணிபுரிந்து வருகிறாா். இவரது மனைவி வசந்தி. இவா்கள் இருவா் மட்டுமின்றி, குடும்பத்தினா் 6 பேரும் ஞாயிற்றுக்கிழமை இரவு வீட்டில் தூங்கிக் கொண்டிருந்தனா்.

அப்போது, இவா்களது வீட்டின் பின்புறத்திலுள்ள ஜன்னலை உடைத்து மா்ம நபா்கள் உள்ளே புகுந்து, பீரோவில் இருந்த 47 பவுன் தங்க நகைகளை திருடிச் சென்றனா்.

நகைகள் திருடு போனது ரங்கேஷுக்கு திங்கள்கிழமை காலையில் தெரியவந்தது. இதுகுறித்து அவா் திண்டுக்கல் தெற்கு காவல் நிலையத்தில் புகாா் அளித்தாா்.

இதையடுத்து, சம்பவ இடத்துக்கு வந்த போலீஸாா், மோப்ப நாய், தடயவியல் நிபுணா்கள் உதவியுடன் விசாரணை நடத்தினா். வீட்டின் முன் பகுதியில் கண்காணிப்பு கேமரா பொருத்தப்பட்டிருந்தது. இதை தெரிந்து கொண்ட மா்ம நபா்கள் வீட்டின் பின்பகுதி வழியாக உள்ளே புகுந்து திருடியது தெரியவந்தது.