தர்மபுரி: வளர்ச்சி திட்ட பணிகளை கண்காணிப்பு அலுவலர் ஆய்வு

தருமபுரி மாவட்டம், நல்லம்பள்ளி ஊராட்சி ஒன்றியம், தொப்பூரில் இன்று கலைஞரின் கனவு இல்லம் திட்டத்தின் கீழ், ரூ. 3. 50 இலட்சம் மதிப்பீட்டில் கட்டப்பட்டுவரும் வீட்டினையும், மானியத அள்ளி ஊராட்சி மலையப்பா நகர் பகுதியில் புனரமைக்கப்பட்டுவரும் வீடு கட்டுமான பணிகளையும், டொக்குபோதனஅள்ளி ஊராட்சி, பூவல்மடுவில் பிரதம மந்திரி கிராம சாலைகள் மேம்பாடு திட்டத்தின் கீழ் பூவல்மடுவு முதல் கெட்டுபட்டி வரை அமைக்கப்பட்டுவரும் சாலை பணிகளையும், பாளையம் புதூரில் 15வது நிதிக்குழு மானிய திட்டத்தின்கீழ் கட்டப்பட்டு வரும் வட்டார பொது சுகாதார அலகு கட்டிடத்தினையும், நல்லம்பள்ளியில் அயோத்தி தாச பண்டிதர் குடியிருப்புகள் மேம்பாட்டுத் திட்டத்தின் கீழ், கழிவுநீர் கால்வாய் மற்றும் வடிகால் அமைக்கும் பணியினையும்,

அதியமான் கோட்டை ஊராட்சி வள்ளல் அதியமான் கோட்டத்தில் கட்டப்பட்டு வரும் தருமபுரி படிப்பகத்தினையும் மாவட்ட கண்காணிப்பு அலுவலர் திவ்யதர்ஷினி, இ. ஆ. ப. , நேரில் பார்வையிட்டு ஆய்வு மேற்கொண்டு, வளர்ச்சி திட்டப்பணிகளின் செயல்பாடுகள் மற்றும் தற்போதைய நிலை குறித்து கேட்டறிந்ததோடு பணிகளை குறிப்பிட்ட காலத்திற்குள் விரைந்து முடித்து பொதுமக்களின் பயன்பாட்டிற்க்கு கொண்டு வர அலுவலர்களுக்கு அறிவுரை வழங்கினார்கள்.