தர்மபுரி: தெருக்கூத்து கலைஞர் மர்மமாக உயிரிழப்பு

தர்மபுரி மாவட்டம் நல்லம்பள்ளி வட்டத்துக்கு உட்பட்ட சாமிசெட்டிப்பட்டி அருகே தாசன்கொட்டாய் கிராமத்தை சேர்ந்தவர் மணி தெரு கூத்து நாடக கலைஞர். இவர் நேற்று மாலை சாமிசெட்டிப்பட்டி - ஐருகு சாலையில் உள்ள தாசன்கொட்டாய் பாலம் அருகே தலையில் காயங்களுடன் மணி மர்மமான முறையில் இறந்து கிடப்பதாக தொப்பூர் காவலர்களுக்கு தகவல் கிடைத்தது அதன் பேரில் காவலர்கள் சம்பவ இடத்திற்கு சென்று விசாரணை நடத்தினர் பின்னர் அவர்கள் மணியின் உடலை மீட்டு பிரேத பரிசோதனைக்காக தர்மபுரி அரசு மருத்துவமனைக்கு அனுப்பிவிட்டார் மேலும் அவரது சடலத்துக்கு அருகே இருசக்கர வாகனத்தையும் காவலர்கள் கைப்பற்றினர் மர்மமான முறையில் உயிரிழந்து கிடந்த தெருக்கூத்து கலைஞர் மணி, இருசக்கர வாகனத்தில் சென்றபோது நிலை தடுமாறி கீழே விழுந்து உயிரிழந்தாரா.? அல்லது அடையாளம் தெரியாத வாகனம் மோதியதில் உயிரிழந்தாரா முன்விரோதம் காரணமாகயாராவது அவரை கொலைசெய்தார்களா.? என்று பல்வேறு கோணங்களில் தொப்பூர் காவலர்கள் வழக்குப்பதிந்து தீவிர விசாரணை நடத்தி வருகின்றனர்.